INTEGRANTES
Todos
os alumnos crearon tres relatos en galego e traballaron a descrición, os
relatos con ensinanza…
Por
equipos traballaron distintas partes da produción (redacción, ilustración,
edición de audio e creación de sons, locución e gravación das voces no
estudio).
O resultado foi magnífico.
o Día Mundial da Poesía celébrase cada ano o 21 de marzo. Esta data foi establecidad pola UNESCO en 1999 co propósito de promover a lectura, a escritura e o ensino da poesía, ademais de fomentar a diversidade lingüística.
O alumnado de Ed. Secundaria do Colexio El Castro realizou unha combinación de poesía e fotografía presentando uns fotopoemas.
Velaquí unha pequena mostra
Durante
a Semana da Música no Colexio El Castro realizouse A Ruta do Son, unha xincana con estacións con
instrucións e pistas en galego. O alumnado participou en diferentes retos, por
exemplo, unha actividade específica sobre os distintos traxes rexionais
galegos.
Este curso foi o primeiro ano do
novo proxecto de radio escolar do centro, polo que a programación inicial foise
concretando pouco a pouco ao longo do curso.
Finalmente, participaron alumnado de Infantil, Primaria e ESO en distintas propostas en lingua galega: lecturas gravadas, postais sonoras, podcasts e audiocontos.
En 6.º de Primaria, por exemplo, elaboráronse postais sonoras a partir de textos escritos polo propio alumnado.
Na ESO realizouse tamén un podcast e un audioconto dirixido ao
alumnado de Infantil.
As gravacións difundíronse a
través das canles do centro, contribuíndo a dar máis presenza á lingua galega
na vida escolar.
Con motivo do Día
das Letras Galegas, o alumnado do Colexio El Castro traballou unha ficha divulgativa sobre Begoña
Caamaño, autora homenaxeada este ano. A actividade permitiu coñecer algúns
datos da súa vida, da súa obra e da súa importancia dentro da literatura galega
contemporánea.
A través desta
proposta, o alumnado achegouse á figura da autora dun xeito visual e accesible,
ao tempo que reflexionou sobre o valor da lingua galega, da nosa cultura e da
importancia de manter vivas as palabras.
O alumnado de
Educación Primaria do Colexio El Castro participou nun recital de poesía no que se leron textos
escritos polos propios nenos e nenas, xunto con poemas de autores e autoras
destacados da literatura galega, como Rosalía de Castro ou Antonio García
Teijeiro.
Un ano máis, a
lectura dos poemas estivo acompañada pola música en directo ao piano,
interpretada por alumnado do centro. Como peche do festival, o alumnado de
sexto de Educación Primaria cantou Voltarei, de Hard GZ.
Os alumnos de 3º de ESO do Colexio San Miguel fixeron un cantos audios presentando distintos estilos musicais. Presentamos dúas mostras:
O bosque sen cor ! realizado polos alumnos de 2º da ESO do Colexio San Miguel 2 na clase de Tecnoloxía.
5º Ed. Primaria. As mulleres das nosas vidas. Profesoras pioneiras
O alumnado do Colexio San Miguel 2 realizou traballos de
investigación sobre mulleres galegas destacadas no ámbito da radio (locutoras,
produtoras, guionistas, técnicos de son…). Trasladaron os seus traballos a
formatos visuais ou audiovisuais. O obxectivo foi fomentar o coñecemento das
mulleres neste ámbito, favorecer a igualdade de xénero e fomentar as vocacións
e o espírito innovador entre as nosas alumnas e alumnos.
6º Ed. Primaria. Galicia. Descúbrea: Allariz
Os
alumnos do Colexio San Miguel 2 de Ed. Primaria elaboraron murais e o alumnado da ESO realizaron nun
“bookface”.
4º ESO Bookface: O inferno de Marta
4º ESO Bookface: Nubes de evolución
O 21 de marzo celebramos o Día Mundial
da Poesía, co obxectivo de apoiar a diversidade lingüística neste xénero.
Buscamos fomentar o seu ensino, promover a tradición oral dos recitais poéticos
e dar unha imaxe atractiva da poesía.
O alumnado do Colexio San Miguel 2 realizou unha actividade de produción poética
escrita e oral, rexistrada de forma visual e audiovisual.
Neste curso unha actividade moi
orixinal foi a creación de Fotopoemas.
4º ESO. Fotopoema: Raíces que esperan
4º ESO. Fotopoema: O muro da amizade unida
Festa pagana da que se ten evidencia
hai 5.000 anos no pobo sumerio. O que hoxe coñecemos e celebramos baixo o nome
de entroido eran as Saturnais, festividade romana celebrada en honra do deus
Saturno.
O alumnado do Colexio San Miguel 2 fixo traballos de
investigación visual e/ou audiovisual sobre a tradición do Entroido: traxes
típicos, costumes, gastronomía, máscaras…
O alumnado de Ed. Primaria do Colexio San Miguel 2 e as súa
familias colaborou na elaboración de traballos en formato físico e dixital
sobre a historia, significado e celebración do Samaín. Este curso escolar
ademais celebrouse a festividade no colexio facendo unha merenda con postres
típicos feitos polos alumnos.
4º Ed. Primaria. Samaín. Postre
O Equipo de Dinamización da Lingua Galega (EDLG) é un órgano de participación e promoción lingüística que ten como finalidade fomentar o uso e a valoración da lingua galega en todos os ámbitos da comunidade educativa. O seu labor céntrase en impulsar actividades, proxectos e iniciativas que contribúan á normalización lingüística e ao fortalecemento da identidade cultural de Galicia.
Entre os seus obxectivos destacan promover o uso cotián do galego, sensibilizar sobre a importancia do patrimonio lingüístico e cultural galego e favorecer a participación activa do alumnado, do profesorado e das familias en accións de dinamización lingüística.
Para o desenvolvemento das súas funcións, o EDLG conta con recursos materiais, dixitais e humanos que permiten a organización de concursos, obradoiros, celebracións culturais e actividades de difusión. Así mesmo, ofrece asesoramento, materiais didácticos e apoio a toda a comunidade educativa para favorecer a presenza e o uso do galego na vida escolar e social.
Os seus integrantes son:
Colexio San Miguel
Coordinador: D. Martín Valverde García
Dª Carlota Chao (Ámbito de Comunicación e Sociedade)
Colexio San Miguel 2
Coordinadora: Dª Clara Mª Seoane Rodríguez
Colexio El Castro
Coordinadora: Dª Clara Mª Seoane Rodríguez
Dª Carmen Fontenla Bouzas (Ed. Infantil)
Dª María Bermúdez Puga (Ed. Primaria)
Dª Iria Suárez Bouzó (Ed. Primaria)
D. Adán Barral Táboas (Ed. Primaria)
Dª Marta Rial Beiro (Ed. Primaria)
Dª Amaya López Núñez (Ed. Primaria)
O estudantado do 1º curso de Grao Básico do colexio San Miguel elaborou unha liña do tempo na que se representa a evolución da lingua galega desde a súa orixe ata o século XIX. A través desta actividade, o alumnado analizou os principais momentos históricos, sociais e culturais que influiron no desenvolvemento, consolidación, decadencia e recuperación do galego como lingua propia de Galicia.
A historia social da lingua galega
A historia social da lingua galega
A historia social da lingua galega
O alumnado do 1º curso de Grao Básico do colexio San Miguel elaborou unha presentación audiovisual na que se expón unha breve descrición e localización xeográfica e a importancia cultural e patrimonial do lugar. Escolleron diferentes xacementos prehistóricos situados en Galicia (Dombate, Cova Eiras, Castro de Baroña) ou noutros lugares de España ou do mundo (Altamira, Stonehenge, Lascaux...).
Este ano para celebrar o Día das Letras Galegas os alumnos do 1º curso de Grao Básico do colexio San Miguel realizaron un Kahoot sobre a narradora e periodista Begoña Caamaño, unha figura comprometida coa defensa da lingua, a cultura e os dereitos sociais: exposición de carteis, paseo literario polo seu legado.
Kahoot 1. Letras Galegas 2026 - Begoña Caamaño
Kahoot 2. Letras Galegas 2026- Begoña Caamaño
O
obxectivo desta actividade é vincular lingua, cultura e emocións. Os alumnos do 1º curso de Grao Básico realizaron unha infografía na
que investigaron sobre tres grupos musicais galegos actuais. A actividade
centrouse tanto na súa traxectoria artística como na análise das letras e o
seu impacto no público.
Os alumnos do 1º curso de Grao Básico do Colexio San Miguel realizaron en formato dixital un Escape room lingüístico sobre expresións coloquiais galegas coa finalidade de promover o coñecemento do galego xogando. Aquí vos deixamos uns cantos xogos para que pasedes un bo rato xogando e aprendendo!
Continuamos co proxecto "Coñecer a nosa cidade" cuxo obxectivo é coñecer a nosa cidade: a súa orixe e evolución, os seus barrios, os principais sectores económicos, etc. Este ano centrámonos nos seus pazos e faremos un percorrido polos edificios históricos rurais que remataron situados no propio interior do municipio.
Os alumnos de 2º curso de Grao Básico do colexio San Miguel levaron a cabo unhas presentacións en formato dixital sobre sobre a riqueza arquitectónica e cultural de Vigo.
