Un ano máis non podemos faltar á nosa cita coa celebración desta festa dos xogos tradicionais. Este ano aos clásicos como a tiro da corda, o pano ou o brilé incorporamos novos xogos que tiveron moito éxito entre os participantes: a pita cega e as cadeiras. Todos eles actúan como elementos que aportan un importante valor socio-cultural e de convivencia entre os membros da comunidade educativa.
Continuamos co proxecto "Coñecer a nosa cidade" cuxo obxectivo é coñecer a nosa cidade: a súa orixe e evolución, os seus barrios, os principais sectores económicos, etc. Este ano centrámonos no tramo do Camiño de Santiago que percorre a cidade. Os alumnos de 1º curso de Grao Básico de Administrativo do Colexio San Miguel realizaron un mapa interactivo cos diferentes tramos do Camiño portugués pola costa desde A Guarda ata Santiago de Compostela. Usaron a plataforma web Google My Maps para crear mapas personalizados.
ARIADNE BENITEZ ETAPA 1: A GUARDA - OIA
DAVID DOMÍNGUEZ ETAPA 2: OIA - BAIONA
SANTIAGO FRENÁNDEZ ETAPA 3: BAIONA - CORUXO
MATEO GIL ETAPA 4: CORUXO- VIGO
XOEL MARTÍNEZ ETAPA 5: VIGO - REDONDELA
NAOMI MERA ETAPA 6: REDONDELA - PONTEVEDRA
MIGUEL ÁNGEL PUIME ETAPA 7: PONTEVEDRA - CALDAS DE REIS
Nesta actividade o alumnado de 1º curso de Grao Básico de Comercio do Colexio San Miguel procurou na rede información sobre personaxes relevantes galegos e fixo un flipbook cos seus retratos.
Aquí tedes unha mostra do seu traballo.
Ler é unha das habilidades máis valiosas que podemos desenvolver, non só pola súa importancia práctica na vida diaria, senón tamén pola súa capacidade para abrir portas a novos mundos, ideas e perspectivas. A lectura non só enriquece o noso coñecemento, senón que tamén nutre a nosa imaxinación, mellora a nosa empatía e fortalece as nosas habilidades comunicativas.
Este ano tivemos o prazer de contar coa presencia de Andrea Maceiras que nos visitou para dar unha charla sobre "Animación á lectura e creación literaria". Un dos seus libros forma parte do Plan lector e os nosos alumnos de 2º curso de Grao Básico do Colexio San Miguel aproveitaron a ocasión para que a escritora lles asinase os exemplares.
Aquí vos deixamos algunhas imaxes.
.jpg)
Os alumnos e alumnas de Grao Básico e Grao Medio do colexio San Miguel recitaron dous fermosos poemas de Rosalía de Castro e fixeron unhas presentacións para conmemorar o 187º aniversario do seu nacemento. Aquí vos deixamos esta homenaxe á escritora compostelá, “un referente non so da literatura, senón tamén do feminismo, polo seu compromiso polas causas sociais a través dos seus poemas e novelas”.
MICHELLE TRONCOSO 2º GM XESTIÓN ADMINISTRATIVA
REBECA MARTÍNEZ 2º GM XESTIÓN ADMINISTRATIVA
ARANTXA NOVOA 2º GM XESTIÓN ADMINISTRATIVA
IAGO VILAS 2º GM XESTIÓN ADMINISTRATIVA
XOEL MARTÍNEZ 1º GB ADMINISTRATIVO
SANTIAGO FERNÁNDEZ 1º GB ADMINISTRATIVO
As alumnas do 2º curso de Grao Básico de Comercio do colexio San Miguel 1 fixeron unha vídeo reseña do libro "O que sei do silencio" escrito por Andrea Maceiras.
Nesta obra a autora preséntanos unha historia inspirada libremente nun suceso real,e afonda dende voces diversas na xénese, desenvolvemento e consecuencias dun caso de acoso escolar. Unha novela necesaria que achega azos a todas aquelas persoas que ignoran o silencio e se fan fortes a si mesmas e ás demais a través das palabras.
Aquí tedes unha mostra do seu traballo.