Un ano máis non podemos faltar á nosa cita coa celebración desta festa dos xogos tradicionais organizada polo colexio San Miguel. Este ano aos clásicos como a mariola, choutar a corda, o pano ou o brilé incorporamos novos xogos que tiveron moito éxito entre os participantes: castañas e culleradas e os malabares. Todos eles actúan como elementos que aportan un importante valor socio-cultural e de convivencia entre os membros da comunidade educativa.
O alumnado de 1º Grao Básico de Servizos Administrativos e de 1º Grao Básico de Comercio do colexio San Miguel investigou e realizou unha presentación en formato dixital sobre monumentos arquitectónicos romanos presentes en Galicia. Esta actividade foi realizada conxuntamente co Departamento de Sociedade.
Nesta actividade o alumnado do colexio San Miguel procurou na rede información sobre personaxes galegos relevantes (escritores, actores, cantantes…) e fixo un retrato en formato dixital. Agardamos que disfrutedes dos seus traballos.
Continuamos co proxecto "Coñecer a nosa cidade" cuxo obxectivo é coñecer a nosa cidade: a súa orixe e evolución, os seus barrios, os principais sectores pesqueiros, etc. Este ano centrámonos na industria naval , un dos principais pilares económicos da cidade e tamén dos municipios da súa área de influencia, xunto coa industria motriz e a industria pesqueira.
Os alumnos de 2º curso de Grao Básico do colexio San Miguel levaron a cabo unhas presentacións en formato dixital sobre a historia do sector naval vigués.
Os alumnos de 2º curso de Grao Básico do colexio San Miguel realizaron en formato dixital unhas guías de uso das redes sociais coa finalidade de promover un emprego seguro e responsable das mesmas.
Botádelle un vistazo e seguide os consellos!!
Un ano máis non podemos faltar á nosa cita coa celebración desta festa dos xogos tradicionais. Este ano aos clásicos como a tiro da corda, o pano ou o brilé incorporamos novos xogos que tiveron moito éxito entre os participantes: a pita cega e as cadeiras. Todos eles actúan como elementos que aportan un importante valor socio-cultural e de convivencia entre os membros da comunidade educativa.
