A actividade consistía nun concurso de cartas literarias coa temática “Os meus soños”. Como premio entregóuselles un libro aos gañadores.
Todos eles gozaron moito compartindo as súas experiencias, desexos e aspiracións nestas dúas etapas da vida.
Os máis novos ilusionaron ás persoas maiores cos seus proxectos e desexos de futuro e estas animaron aos mozos e mozas a perseguir os seus soños, sexan cales sexan, como elas o fixeron no seu momento.
E é que houbo un pouco de todo! Desde viaxes a África, á paixón pola música, o baile e a pintura ou o empeño por conseguir uns estudos que lles permitisen adicarse ao que máis lles gustou…
Ao finalizar, despedíronse de forma entrañable e se en algo estiveron todos de acordo é nas ganas de repetir outra mañá como esta.
