«¿Cantas veces vos
parastes a reflexionar sobre a beleza das palabras que ten a nosa lingua?» Deste modo arrancou
outro dos traballos que fixemos este ano e que expuxemos na cortiza da nosa
planta. Os rapaces tiñan que elixir as palabras que lles parecían más riquiñas
do galego e, como lles encanta debuxar, acompañáronas dun debuxo que as
identificase. Deste modo axudamos ós máis pequerrechos do cole a descubrir a fermosura
do galego.
jueves, 28 de junio de 2018
martes, 26 de junio de 2018
O DÍA DAS LETRAS GALEGAS
Este ano conmemoramos o Día das Letras Galegas facendo unha actividade moi dinámica e enriquecedora, pois os nosos alumnos tiveron que encher un cuestionario sobre a vida e obra da escritora homenaxeada María Victoria Moreno. Fixérono moi ben e agasallamos cun lote de libros aos alumnos máis rápidos en atopar as respostas correctas.
As rapazas e rapaces de 5.º e 6.º de educación primaria do colexio El Castro celebramos o Día
das Letras Galegas gozando de novo dos marabillosos libros escritos pola
homenaxeada deste ano. Para tal ocasión eliximos Mar adiante e O amor e as
palabras. Ambos fixeron as delicias de todos nós.
Unhas semanas antes do 17 de maio os alumnos fixeron diversos traballos de
investigación en grupo que lles permitiron coñecer a historia do Día das Letras
Galegas, a obra de Mª Victoria Moreno, a relación tal especial que tiña coa
cidade de Pontevedra e, sobre todo, descubrir a personalidade desta muller
excepcional que adoraba a nosa lingua. Especialmente interesante resultou o
traballo titulado A escola nos anos 40 e 50 (anos da infancia de Mª Victoria Moreno).
A consigna para realizalo era obter toda a información que precisaban mantendo unicamente
entrevistas cos seus avós. Debían pescudar como eran as aulas, que era o que se
ensinaba e como se facía, o rol que desempeñaba a relixión, as materias que se
estudaban e a situación das nenas na escola daquela época. As exposicións
resultaron ser de grande interese e
espertaron a curiosidade dos rapaces, que esgotaron o tempo destinado a facer
preguntas. Estes traballos serviron de escusa para realizar outros cuxas
temáticas foron Outras mulleres que
descubrir: Ángela Ruíz Robles e As
bibliotecas: orixe, organización e elección das nosas preferidas.
Tamén aprendemos moitísimo grazas ás diversas e divertidas actividades
interactivas recollidas en fichas didácticas que propón a web Primavera das letras. Trátase dunha páxina creada a iniciativa
da Real Academia Galega e dedicada, desde 2016, ós homenaxeados o Día das
Letras Galegas. A súa bela estética e os seus interesantes contidos lograron
que fose un verdadeiro pracer utilizala como instrumento de aprendizaxe.
OS MORENOPÁXINAS
Outra das actividades coa que gozaron as rapazas e rapaces de 6.º de
educación primaria foi a elaboración dos morenopáxinas
(uns parcapáxinas dedicados ó Día das Letras Galegas e a Mª Victoria
Moreno) . Como podemos ver na imaxe,
utilizáronse diferentes materiais ó servizo da imaxinación e da creatividade.
OS XOGOS TRADICIONAIS
Este ano celebramos unha xornada de lembranza dos xogos tradicionais, tales como a mariola, a petanca, os bolos, o tiro da corda, o brilé, os zancos e moitos máis que nos transportaron a outros tempos.
lunes, 25 de junio de 2018
O LOGO DO EDNL
Necesitamos un logo para o equipo de normalización lingüística e quen mellor que os nosos alumnos para deseñalo. Aquí os vemos en pleno proceso creativo.
ENTREVISTA AOS MAIORES
Os alumnos do colexio San Miguel entrevistaron aos seus avós e avoas para saber a que se adicaban cando eran novos e a que xogaban. Foi unha boa experiencia para reflexionar sobre a dura infancia que viviron e como cambian os tempos. As entrevistas foron visionadas nas aulas.
Suscribirse a:
Entradas (Atom)